• 12 oktober 2021
  • vacaturenummer: 469079

Begeleiders met völ ervaring dee wilt wearken met ne complekse doelgroep in de zoarg veur leu met ne bepearking: gef acht! Veur nen groten anbeeder van zoarg in de zoarg veur leu met ne bepearking in’n umtrek van Eanske zeukt wiej wearldwieze en gespecialiseerde begeleiders (ZZP) dee zik wilt inzetten veur (joonk- ) volwassen cliënten.

Projecten die aansluiten op jouw voorkeuren

Vanaf 24 uur per week voor de langere termijn

Een uitdagende opdracht in de gehandicaptenzorg

In dit weark krie’j te maken met lieflijke en verbale agressie en doar mu’j good met können umgoan. Um disse funktie good in te können vullen, is ’t belangriek da’j weand bint an en bekeand met complexe gedragsprobblematiek of het beed'n van ADL zoarg en da’j dit nich oet de weg goat. Deur ow roeme oonderveending in leaven en weark stoa’j intuske letterlik en figuurlik stewwig in ow schoon.

  • ne afgeronde passende opleidinge zo as bevobbeld MBO 4 MMZ, SPW, of HBO SPH
  • anwiesboare wearkervaring in ’t umgoan met slim verstaandelik bepearkte cliënten en gedragsmeuilike groepen oawer ne periode van > 5 joar
  •  ervaring in 1-op-1 begeleiding van cliënten
  • ne hoge sensitiviteit/geveuligheed veur sinjalen vanoet gedrag
  • ervaring in ‘t beed’n v an strukctuur en veiligheed, ‘t volgen van een dagprogram en haandel’n volgens de wearkwieze en protocols van de organisatie.

Iej doot ow weark ait op zunne aard en wieze, dat de cliënten geneuglik könt wonen en met könt doon an de activiteiten. En doarbiej kön iej vanoet ow deskeundigheed en ervaring dee’j op hebt doan van grote betaansie wean en d’r veur zoargen dat de cliënt zo völ as moggelik de kracht en de regie hef in zien of ear leaven.

Iej hebt nen gooden kiek op de zoarg en dat wet iej op ne positieve wieze oet te dreagen. Iej hebt ’t in oe um gedrag te ‘leazen’ en ‘klean te kieken’, mer geliekertied heb iej ok de ‘helicopterview’ in elken toostand.

De organisatie keant ne grote verscheid’nheed an groepen met diverse zoargvroag. Noe zeukt wiej benaamd noar experts in de begeleiding van cliënten met ne Licht Verstandelijke Beperking (LVB). De bepearking ligt doarbiej in de möggelijkheed zik sociaal an te passen en doar kump dan ok nog vaak psychiatrische probblematiek biej. Cliënten hebt meuite met het verwearken van informatie en de interpretoasie van gedrag. Zee könt zik meuilijk in nen aander verplaatsen.

Deank iej noe, disse funktie is miej op ’t lief e schrev’n en zee möt miej doar veur heb’n? Loat van oe heuren deur ne up-to-date CV te mailen noar profindezorg@nl.randstad.com, saam’n met ’n oawertuugend verhaal woarum iej sollisiteert. Dat hoof nich in ’t Tweants. A’j plat könt proaten, mu’j ’t doon, a’j ’t nich könt mu’j ’t loaten.

Oscar Vos

recruitment consultant

Ik ga graag met je in gesprek over de mogelijkheden via Randstad Zorg Professionals

Zo verloopt het solliciteren via Randstad. Ontdek hoe we jou kunnen helpen om een baan te vinden.